Forty-five minutes is fuhever when yuh watchin dat kind ah football an yuh eh trus de team skills in dat area. ![]() In dey place was fellas who look like dey decide tuh test dey ability tuh defend. De Soca Warriors from de first half was gorn. Ah mean Guatemala come out lookin fuh blood. Dem is de kind ah ting ah does love being rong about.Īlas, fuh who eh know, ah football match have two halves.ĭe teams must be switch uniforms in de dressin room or someting. Given de context ah dat prediction, it too done rong. He proclaim after dat de coach go quit in disgust an head back tuh Canada. He say de Soca Warriors eh winnin no games in dis Gold Cup. Let mih criticize someting ah dotish person write. Whatever coach Hart did drill in dey head wasn’t leakin out. Dey tackle hard, dey swarm dem, dey chase dong loose balls an when dey attack, it was wid full force. Dem fellas make life rough fuh Guatemala. De next goal was pure dogged persistence.įuh de rest ah de first half dat question keep comin back: Who is dis team? Not dat anybody wanted any udder version of de Soca Warriors on de pitch. De second goal was ah bard play by dey defense dat we pounce orn like how Rowley or Kamla, dem two tigers in de zoo, does pounce on raw meat by now. We eh even waste time headin de ball parse de Guatemalan goalie: we volley it. Yes, de Soca Warriors did done hit Guatemala: Bam, Bam, Bam, inside 25 minutes.ĭey score one goal orf what does get call ah set play, in we case was ah corner. Ah even put it in bold font fuh yuh tuh find easy. Come back when yuh find it an re-read what ah just say. Check de drawer wid de ball ah string, de bend up nails an de scissors wid one blade dat yuh refuse tuh throw away. Doh let it pop out yuh chest an fall on de grong, it go get dusty. I eh say which team had dem goals, ent? Well hold orn tuh yuh heart. After all, eef yuh is ah Trini football fan, dey could be yuh own Black Beast. I was more interested in de profoundness ah dat blogger question. It eh much, but ah willin tuh donate tuh dem any time ah wid ah waste being insulted by dat name so dey could stay offended longer. In dis era ah political correctness, Guatemala have dey own name fuh de footballers from Hummingbird Land- Black Beast.Īh sure it have people who offended. Not eef chances was good ah would leave de stadium cussin. We even had tuh beg dem Salvadorian eef we could make noise.Īnyway, I couldn’t make dis game it was too far an ah not dat big ah fan ah nuttin. We eh even had we own area ah de stadium. I might be orf by one or two buh we had like 427 supporters. In mih mind it was 2013 an ah was een de stadium watchin dem play El Salvador. What else it could possibly have goin orn? Not when de warriors kickin ball. De 2015 Gold Cup was in full swing an de Soca Warriors was playin Guatemala. Dat right dey sum it up.Įverybody did know who de blogger was torkin about. ![]() ![]() Ah blogger wanted tuh know who is dis team. Inside 25 minutes de score was done 3 – 0.
0 Comments
Leave a Reply. |
AuthorWrite something about yourself. No need to be fancy, just an overview. ArchivesCategories |